أهلا بكم سيداتى أنساتى سادتى
بالقمر الصناعى من إستاد بنى النضير الوطنى أحييكم لنقل المباراة الهامة
والمرتقبة بين يهود بنى خيبر ويهود بنى النضير
زى ما إحنا شايفين يهود بنى خيبر نازلين الملعب من ساعة شروق الشمس
وشغالين تمارين ماشاء الله عليهم
ويهود بنى النضير لسة بيعملو شوبنج فى خزاعة مول وجايين كمان شوية
يهود بنى خيبر امبارح قاموا بزيارة للاصنام وخلصوا كل حاجة
وجايين جاهزين النهاردة بقيادة
مدربهم الجديد....شمقمق العوا مدرب منتخب الروم الاسبق
طبعا زى ماحنا عارفين وبنتابع دايما ان المدرب ده رفض
كل العروض المقدمة ليه من نادى حطين السوري
ونادى طيبة المصري
وقبل العرض المغرى بتاع يهود بنى خيبر
تصوروا بقى مرتبه فى الشهر سرة من الدنانير وناقة
وعنده خيمة مكيفة وجمل فور باى فور وواحد تانى شيروكى
والحمد لله بنى النضير وصلوا اهم
والحكم الدولى ابا الحكم ( ابو جهل ) يعنى بيعمل القرعة اهو
لو انت قاعد فى مدرجات الدرجة الاولى هتلاقى بنى النضير
على يمينك وبنى خيبر على شمالك
والعكس صحيح زى ما كانو بيقوللنا في المدارس
لو انت مش فى الاستاد مش هتشوف حاجة
لان التليفزيون لسه ما اخترعهوش
بس كانو اخترعو القمر الصناعي
وتبتدى المباراة وزى مانتوا شايفين المباراة حامية جدا
والهجمات مش عارفين نلاحقها
ايه ده الحكم موقف المباراة يا ترى فيه ايه.....اه لا عنده حق
الحكم شايف ان فانلات بنى خيبر غير شرعية وبيطالبهم بالتغيير
وتستكمل المباراة باسقاط الكرة...وهجمة خطر لبنى خيبر ...
وانا شايف اللعيب بتاع بنى خيبر
وقف بالكورة .فيه ايه...
اه لمح لاعب بنى خيبر ان اللعيبة بتوع بنى النضير عاملين له كمين
وبانيين خندق قدام خط ال 18 في منطقة الجزاء
بناء على كدة الحكم حسب ضربة جزاء..
وانا شايف الجهاز الفنى كلة طلع السيوف وبيجروا
على الحكم...لكن طبعا احنا شايفين الامن بقيادة اللواء ابو لهب
عامل شغل والله صورة مشرفه تساعدنا
فى تنظيم كاس الامم الجاهلية اللي هتقام بعد 43 شهر
في مدينه خزاعه
والحمد لله الوضع استقر واللعيب داخل علشان يسدد الضربة..
والحارس بيشاور طالب التغيير
وبيجرى ناحية الجماهير وبيقول شلـــــت يدى.
وعلشان مافيش حارس احتياطى فالحكم اضطر يلغى
المباراة وينهيها بفوز بنى خيبر .
الف الف مبروك لبنى خيبر ..وانا شايف الجماهير النضيرية
ورا الجون بتضرب الحارس واللى سمعتة ان الحكم بعد ماالغى المباراة
ضحك وقال إنها سليمة
كان معكم من استاد بنى النضير الدولى معلقكم الرياضي
( الوليد بن شلتوت)
إلى اللقاء فى مباريات اخرى ان شاء الله وكان معكم مخرجكم جعبل بن سفروت
